پاکستانی نوجوان حذیفہ شاہد نے جاپان میں جونیئر سکواش چیمپئن شپ جیت لی

ٹوکیو :پاکستان کے نوجوانوں نے ایک بار پھر ملک کا نام روشن کیا ہے۔ 13 سالہ حذیفہ شاہد نے جاپان میں منعقدہ جونیئر سکواش چیمپئن شپ میں حصہ لیتے ہوئے شاندار کامیابی حاصل کی ہے۔ اس چیمپئن شپ میں مختلف ممالک کے 15 سال سے کم عمر کے نوجوان کھلاڑیوں نے شرکت کی۔

حذیفہ شاہد نے سنسنی خیز مقابلے کے بعد تمام حریفوں کو شکست دے کر چیمپئن شپ اپنے نام کی ہے۔ اس کامیابی پر پورے پاکستان میں خوشی کی لہر دوڑ گئی ہے۔

حذیفہ شاہد کا کہنا ہے کہ یہ کامیابی صرف میری نہیں بلکہ پورے پاکستان کی ہے۔ اس مقابلے میں کامیابی کے بعد میرے ساتھ ساتھ پوری پاکستانی قوم خراجِ تحسین کی حقدار ہے۔