بہادر باپ نے شیر کے پنجوں سے بچے کو چھڑا لیا
امریکی ریاست کیلیفورنیا میں واقعہ پیش آیا ہے جہاں ایک پہاڑی شیر نے 5 سالہ بچے پر حملہ کر دیا۔ تاہم بچے کے باپ نے بےحد جرات کا مظاہرہ کرتے ہوئے شیر سے لڑائی کی اور اپنے بیٹے کو اس کے پنجوں سے چھڑا لیا۔
واقعہ مالیبو کریک اسٹیٹ پارک میں پیش آیا جہاں ایک خاندان پکنک منا رہا تھا۔ اچانک ایک پہاڑی شیر نے 5 سالہ بچے پر حملہ کر دیا اور اسے گھسیٹ کر لے جانے لگا۔
بچے کے باپ نے فوری طور پر ردعمل کا مظاہرہ کرتے ہوئے شیر سے لڑائی شروع کر دی اور کامیابی سے اپنے بیٹے کو اس کے پنجوں سے آزاد کرا لیا۔
اداکارہ ثمن انصاری کااپنی شادی کے دلچسپ واقعے کا انکشاف
بچے کو فوری طور پر ہسپتال منتقل کیا گیا جہاں اس کا علاج کیا جا رہا ہے۔ ابتدائی رپورٹس کے مطابق بچے کی آنکھ میں چوٹ لگی ہے۔
حکام نے واقعہ کی تصدیق کرتے ہوئے بتایا ہے کہ پہاڑی شیر کو تلاش کرنے کی کوشش کر رہے ہیں۔
عینی شاہدین کا کہنا ہے کہ اس علاقے میں پہاڑی شیروں کا نظر آنا کوئی غیر معمولی بات نہیں ہے۔
