ٹیسٹ سیریز: پاکستان کا آغاز مایوس کن، عبداللہ شفیق بغیر کوئی رن بنائے آؤٹ
راولپنڈی: پاکستان اور بنگلہ دیش کے درمیان دوسرے ٹیسٹ میچ کا دوسرا دن مایوس کن آغاز کے ساتھ شروع ہوا ہے جب پاکستان کے اوپنر عبداللہ شفیق پہلے ہی اوور میں بغیر کوئی رن بنائے آؤٹ ہوگئے۔
آج صبح راولپنڈی کرکٹ اسٹیڈیم میں میچ کا آغاز ہوا اور پاکستان نے ٹاس جیت کر پہلے بیٹنگ کا فیصلہ کیا۔ صائم ایوب اور عبداللہ شفیق نے اننگز کا آغاز کیا لیکن عبداللہ شفیق بنگلہ دیشی فاسٹ باؤلر تسکین احمد کی گیند پر بولڈ ہوگئے۔
دونوں ٹیموں میں تبدیلیاں بھی کی گئی ہیں۔ پاکستان نے شاہین شاہ آفریدی کی جگہ ابرار احمد اور نسیم شاہ کی جگہ میر حمزہ کو ٹیم میں شامل کیا ہے جبکہ بنگلہ دیش نے شرف اسلام کی جگہ تسکین احمد کو ٹیم میں شامل کیا ہے۔
واضح رہے کہ میچ کا پہلا دن بارش کی وجہ سے کھیلا نہیں جا سکا تھا اور ٹاس بھی نہیں ہو سکا تھا۔ تاہم آج کا دن صاف رہنے کی امید ہے۔
اس مایوس کن آغاز کے بعد دیکھنا یہ ہے کہ پاکستان کی باقی بیٹنگ لائن کس طرح سے کارکردگی کا مظاہرہ کرتی ہے۔
