ایم پاکس کا دوسرا کیس پاکستان میں سامنے آ گیا
پشاور:پاکستان میں ایم پاکس وائرس کا دوسرا کیس رپورٹ ہوا ہے۔ یہ مریض ایک خلیجی ملک سے آیا تھا اور اسے پشاور ایئرپورٹ پر ہیلتھ ڈیسک نے روک کر ہسپتال منتقل کیا ہے۔
وزیر اعظم کے کوآرڈینیٹر برائے صحت، ڈاکٹر ملک مختار احمد نے اس بات کی تصدیق کی ہے۔ انہوں نے بتایا کہ عالمی ادارہ صحت نے حال ہی میں ایم پاکس کی نئی قسم کلیڈ 1 بی کی تشخیص کی ہے جو کہ معمول کے قریبی رابطے کے ذریعے بھی آسانی سے پھیل سکتی ہے۔
اس خطرے کو مدنظر رکھتے ہوئے، عالمی ادارہ صحت نے اسے بین الاقوامی تشویش کی حامل پبلک ہیلتھ ایمرجنسی قرار دیا ہے۔
تاہم، ڈاکٹر ملک مختار نے یہ واضح نہیں کیا کہ پاکستان میں رپورٹ ہونے والے دوسرے کیس میں بھی یہی نئی قسم پائی گئی ہے یا نہیں۔
واضح رہے کہ پاکستان میں ایم پاکس کا پہلا کیس چند ہفتے قبل رپورٹ ہوا تھا۔ اس کے بعد سے، حکام نے وائرس کے پھیلاؤ کو روکنے کے لیے مختلف اقدامات اٹھائے ہیں۔
