بھارتی کھلاڑی کا اولمپک خواب چکنا چور!
بھارتی کھلاڑی کا اولمپک خواب چکنا چور!
پیرس: ایک ناقابل یقین واقعے میں، بھارتی ریسلنگ کی سنسنی خیز کھلاڑی ونیش پھوگاٹ کو پیرس اولمپکس کے فائنل سے محروم کر دیا گیا ہے۔
بدھ کو، جب ونیش پھوگاٹ کو امریکہ کی سارہ ہلڈیبرانڈ کے خلاف گولڈ میڈل کے لیے مقابلہ کرنا تھا، تو ان کا وزن مقررہ 50 کلوگرام سے 100 گرام زیادہ پایا گیا۔ اس چھوٹی سی اضافی وزن نے ان کا اولمپک خواب چکنا چور کر دیا اور انہیں مقابلے سے نااہل قرار دے دیا گیا۔
یہ خبر پورے ملک میں صدمے کی لہر بن کر پھیلی ہے۔ ونیش پھوگاٹ ملک کی پہلی خاتون ریسلر تھیں جو اولمپک کے فائنل میں پہنچیں تھیں اور ان سے گولڈ میڈل کی امیدیں لگائی جا رہی تھیں۔ ملک کے کونے کونے سے انہیں مبارکباد کے پیغامات مل رہے تھے لیکن یہ واقعہ ان سب امیدوں پر پانی پھیرنے والا ثابت ہوا۔
یہ بات قابل غور ہے کہ محض 100 گرام زیادہ وزن نے ونیش پھوگاٹ کا کیریئر کا سب سے بڑا موقع چھین لیا۔ اس واقعے نے نہ صرف ونیش پھوگاٹ بلکہ پورے ملک کو مایوس کیا ہے۔
