پشین میں لیویز چوکی پر دہشت گردوں کا حملہ، دو اہلکار شہید
بلوچستان کے ضلع پشین میں کلی ملیزئی روڈ پر واقع لیویز چوکی پر دہشت گردوں نے فائرنگ کر دی جس کے نتیجے میں دو لیویز اہلکار شہید ہو گئے۔ لیویز حکام کے مطابق حملہ آوروں نے دونوں اہلکاروں کو متعدد گولیاں ماریں۔
وفاقی وزیر داخلہ محسن نقوی نے اس دہشت گردانہ حملے کی شدید مذمت کی ہے اور شہید ہونے والے لیویز اہلکاروں کو خراج عقیدت پیش کیا ہے۔ وزیر داخلہ نے شہداء کے لواحقین سے دلی ہمدردی کا اظہار کرتے ہوئے کہا ہے کہ انہوں نے ملک و قوم کی خدمت میں اپنی جانوں کا نذرانہ پیش کیا ہے۔
پولیس نے واقعہ کی جائے وقوع کو گھیرے میں لے لیا ہے اور حملہ آوروں کی گرفتاری کے لیے سرچ آپریشن شروع کر دیا ہے۔
