مبینہ پولیس مقابلے کے دوران جاں بحق خاتون کے اہلخانہ کا احتجاج
کراچی میں مبینہ پولیس مقابلے کے دوران فائرنگ کی زد میں آکر جاں بحق ہونیوالی خاتون کے اہلخانہ کی جانب سے نیشنل ہائی وے بلاک کر کے احتجاج کیا جا رہا ہے۔ جس کی وجہ سے سڑک 16 گھنٹے سے بند ہے۔
احتجاج کرنے والے مظاہرین اسٹیل ٹاون میں موجود ہیں ۔ مظاہرین نے انصاف کی فراہمی کیلئے پرزور مطالبہ کیا ۔
ٹریفک پولیس کے مطابق، نیشنل ہائی وے پر احتجاج کی وجہ سے ٹریفک معطل ہے، جس کی وجہ سے متبادل راستوں پر ٹریفک کو منتقل کیا گیا ہے۔
مظاہرین کے ساتھ پولیس حکام مذاکرات کر رہے ہیں ۔
احتجاج کرنے والے اہل خانہ کا کہنا ہے کہ وہ کئی گھنٹوں سے سڑک پر موجود ہیں، لیکن کوئی حکومتی نمائندہ ملاقات کرنے نہیں آیا۔ ایس ایس پی ملیر اور ڈی سی ملیر صبح 5 بجے ملاقات کے لیے آئے تھے، لیکن ملزمان کے خلاف مقدمہ درج کرنے کیلئے تیار نہیں ہیں۔
