ایشین ٹیم اسنوکر چیمپئن شپ میں پاکستان نے بھارت کو ہرا دیا
ایشین ٹیم اسنوکر چیمپئن شپ میں پاکستان نے بھارت کو ہرا کر سیمی فائنل کیلئے کوالیفائی کرلیا۔
سعودی عرب کے دار الحکومت ریاض میں ہونے والے ٹیم ایونٹ میں اویس منیر اور اسجد اقبال پر مشتمل ٹیم پاکستان نے بھارت 2 کو 0-3 سے ہرا دیا۔
پاکستان کی جیت کا اسکور 35-63، 22-75 اور 06-70 رہا۔
بھارت 2 کی ٹیم سارو کوتھاری اور حسین خان ہر مشتمل تھی۔
سیمی فائنل آج رات کو ہوگا، پاکستان ٹیم سیمی فائنل میں ہانگ کانگ سے مقابلہ کرے گی۔سیمی فائنل تک رسائی کے ساتھ پاکستان کا ایک میڈل یقینی ہوگیا۔
